大师用车|新款福克斯将搭载福特最新动力总成
| Secale cereale | |
|---|---|
 | |
| Denominacions populars | |
ségal, selga, segal, centén, centeno, blau, segaltrigo, segaltriu
| |
| Clasificación cientifica | |
| Eukaryota | |
| Plantae | |
| Magnoliophyta | |
| Liliopsida | |
| Poales | |
| Poaceae | |
| Secale | |
| Descripción | |
Secale cereale
M. Bieb., 1753 | |
A ségal[1][nota 1] (tamién o ségal, en masculín) u o centén[1] u centeno[1] u blau[1][nota 2] (nombre cientifico Secale cereale M. Bieb.), tamién dito segaltrigo[1] u segaltriu[1], ye una planta graminia monocotiledonia de creiximiento anyal, caultivata en bels puestos como cerial domestico, u como pastura ta lo bestiar (en os ferranyals).
En l'Alto Aragón no i tiene guaire tradición de caultivar-se, y sobretot i ye coneixito como planta espontania en os campos de trigo u hordio, espreciato per a menor calidat d'o suyo grano. Manimenos a farina de ségal se mezclaba con farina de trigo pa fer la mestura con la que dimpués se feba lo "pan de mestura".[2]
En os zaguers anyos se son itas proliferando diferents manieras de posar-lo en consumo, y en l'actualidat tienen reputación os pans que se'n elaboran, sobretot perque s'ha gosato considerar-lo un complemento dietetico con riqueza en fibra y l'aporte de gusto singular que i fa. O suyo caultivo extensibo i ye tradicional en bels paises, anque no en a Peninsula Iberica. Tolera las sequeras y las baixas temperaturas millor que no lo trigo u l'hordio, gosando manifestar actividat vechetativa (ixo ye, creiximiento) tamién en os días d'hivierno, cosa que l'ha feto d'estar emplegato en paises fridos mes que no los altros cerials tradicionals; A lista d'os prencipals paises productors d'este cerial en o mundo incluyen Rusia, Alemanya, Polonia u Canadá. En a Edat Meya en Aragón as zonas productoras de ségal se concentraban en Sobrarbe, Ribagorza y Comunidat de Daroca.[3] En a compleganza d'o río Martín se deciba morcacho y se cautivaba en suelos malos pa dar de minchar a los animals.[4]
As espigas tienen una forma caracteristica, son baixas per cuentas d'estar rectas como en os altros cerials, y tienen lo nombre popular de benciellos per pareixer-se a os beciellos tradicionals. A palla ye mes fina que en altros cerials, y puet emplegar-se fendo parte d'o feno, en chunto con l'alfalz y altras hierbas, ta paixentar las bestias. En Alacón feban cestos con palla de morcacho.[4]
Notas
editarReferencias
editar- ↑ 1,0 1,1 1,2 1,3 1,4 1,5 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (es) BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN 978-84-8094-061-0
- ↑ (es) Agustín Ubieto Arteta. Cómo se formó Aragón. Instituto de ciencias de la educación, Universidad de Zaragoza.
- ↑ 4,0 4,1 (es) Luis Miguel Bajén García, Fernando Gabarrús Alquézar: Memoria de los hombres-libro. Guía de la Cultura Popular del Río Martín. Biella Nuei Sociedad Cooperativa, 2002. p 29
Vinclos externos
editar
? Wikispecies tiene un articlo sobre Secale cereale.
? Se veigan as imáchens de Commons sobre a ségal.
? Datos: Q12099- ? Multimedia: Secale cereale / Q12099
- ? Especies: Secale cereale